Para Kay Mayor Lim

2015-category-title-tambuli copy2015-post-featured-image-tambuli-OPEN-LETTER-TO-MAYOR-LIM

Ika-21 ng Disyembre 2015

Para kay Kgg. Alfredo Siojo Lim:

Magandang araw po! Nawa’y nasa mabuti po kayong kalagayan sa panahong nakarating po sa inyo ang mensaheng ito.

Kinunan po ang larawang ito noong October 18, 2013, ilang minuto bago magsimula ang event na inorganisa ng aking grupong Katipunan ng Kabataang Maaasahan tungkol sa mga heritage site at structure sa Maynila.

Nilapitan kita’t personal na pinasalamatan sa pagpapaunlak sa aking imbitasyon na magbigay ng inspirational message. Alam kong may pagkakataon kang hindi ito puntahan dahil noong mga panahong iyon ay hindi na ikaw ang alkalde ng Maynila. Sobra-sobra talaga ang pasasalamat ko dahil nandun ka. Kinumusta kita at sinabi mong maayos ka naman, tinatapos lang ang mga naiwang commitment at mamamahinga na muna sa serbisyo publiko. Nalungkot ako nang marinig ko yun (obvious sa picture hehe), kaya iniwas mo ang tingin mo’t pinunta ang usapan na patungkol sa topic ng event.

Ngunit sa ilang pangungusap lang ay nagbago ang tono ng beses mo. Ang sumunod mong sinabi ang hindi ko malilimutan sa maikling pag-uusap nating iyon.

“Ituloy mo lang ang mga ginagawa mo para sa kabataan natin. Kailangan nila ng mga ganito.”

Ilang araw bago ka bumaba sa puwesto, June 7, 2013, nagdesisyon akong manumpang maglilingkod bilang youth volunteer ng Maynila sa harapan mo. Naniniwala kasi akong hindi ka lang mayor kundi bilang lolo ko. Wala akong kinagisnang lolo sa aking kamusmusan kaya sa tuwing nakikita’t nakakamano sa’yo ay parang lolo na rin kita. Pinili kong sa’yo kumuha ng basbas dahil ikaw ang nagsilbing inspirasyon ko mula nang hamunin ako ng siyudad na gumawa ng mga bagay para sa bayan.

Nung mga oras ding iyon, sinorpresa mo ako nang ipagkatiwala mo sa akin ang pinakahuling youth project sa iyong ikaapat na termino – ang Manila Young Leaders’ Assembly.

Dalawang taon ang dumaan at narito pa rin po ako: nagbo-volunteer at patuloy na lumilikha ng mga bagay para makatulong sa mahal nating siyudad.

“Pwede ka namang magpabayad sa mga ginagawa mo, ‘di ba? Bakit kailangan mo yang gawin nang libre? Kailangan mo rin namang kumita para mabuhay, ‘di ba?”

Binubulabog ako ng mga tanong na ito mula sa mga taong nawiwirduhan sa mga ginagawa ko. Marami pang version ang mga tanong na yan, pero isa lang ang sagot sa kanila:

ITO LANG ANG KAYA KONG GAWIN PARA MAIBALIK SA MAYNILA ANG KABUTIHANG IDINULOT NIYA SA AKIN.

Alam na alam kong responsibilidad ng estado na pag-aralin ang kanyang mamamayan. Alam na alam ko rin na kahit hindi ikaw ang maging mayor ay gagawin pa rin ito ng City Hall dahil nga sila ang responsable rito. Alam na alam ko rin na kahit hindi ikaw ang nakaupo ay mayroon pa ring libreng serbisyo para sa mga nangangailangan.

Ngunit hindi ito ang punto ko… at hindi ito ang nangyayari sa Maynila ngayon.

Bilang produkto ng pampublikong sistema ng edukasyon, nais kong ihandog ang aking talento dahil responsibilidad ko rin ito bilang Manilenyo. Masyado tayong nagpapayaman pero para kanino? Para sa sarili o pamilya? Nagbabayad naman tayo ng tax kaya nakakatulong pa rin tayo, ganun ba?

Obligasyon ng City Hall ang libreng serbisyo ngunit dahil sa interes ng iilan ay maraming hindi nakakaramdam nito. May bayad sa mga ospital, lumalaki ang binabayaran ng mga kawawang negosyante, mahal ang bayad ng renta sa mga puwesto sa mga palengke, o nagbabayad tayo sa mga bagay na pwedeng gawing libre para sa mga Manilenyo. Pero may napupuntahan ba ang mga binabayad natin? Wala. Para saan ang sakripisyo? Sa alak na iniinom nila gabi-gabi?

Kahit gaano pa karaming pera ang bumagsak sa kaban ng lungsod, kung wala naman tayong itinatanim na pagmamahal dito, hindi kailanman uunlad ang isang siyudad. Iyon ang ginagawa ko sa abot ng makakaya ko – ang mamuhunan ng pag-ibig at pagkilala sa kasaysayan, kultura at kagandahan ng Maynila.

Natutunan ko po ang mga iyon nang dahil sa inyo, Mayor Lim.

Darating na naman ang eleksyon.

Matagal po akong nag-isip kung may ikakampanya pa akong tao o grupo. Masyado nang magulo ang pulitika ng Maynila at nawawalan na rin ako ng pag-asang magkakaroon pa ng isang pamahalaang totoong nagkakalinga, hindi lang sa mga Manilenyo kundi sa kasaysayan at kulturang ipinamana sa atin ng ating mga ninuno’t nakalipas na mga pinuno. Aaminin ko po, may mga naging pagkukulang din po ang nakaraang panunungkulan ninyo na nagbigay sa akin ng alinlangan kung karapat-dapat pa kayong ibalik sa puwesto.

Sa huli, napagtanto kong bilang mamamayan ay kailangan kong bumoto at kumampanya sa mga taong may tinatanaw na maganda’t makatotohanang bukas para sa siyudad. Kailangan kong ihalal ang mga taong sa tingin ko ay totoong nagmamalasakit at hindi mag-pose lang sa picture. Kailangan kong dalhin sa pamumuno ang taong malinis ang hangarin sa paglilingkod at hindi dadalhin sa kahihiyan ang image ng siyudad dahil sa dumi ng kanyang pagkatao.

Lahat ng qualification pong nabanggit ko ay sa inyo pa rin nakaturo. KAYO PA RIN PO ANG PINIPILI KONG PAMBATO BILANG ALKALDENG MAGWAWAGI SA 2016.

Kailanman ay hindi ko kinonsidera ang edad sa abilidad para mamuno at gumawa ng mga desisyon para sa ikabubuti ng nasasakupan nito. Sa inyo ko po nasaksihan na ang paglilingkod sa bayan ay nakakagaan ng pakiramdam na parang nakakabata ng edad. Pinatunayan nyo po iyon at walang dudang kayang-kaya nyo pa po kaming pamunuan.

Bilang kabataang lider, handa po akong maging instrumento upang maibalik ang nawalang liwanag sa kabisera ng Republika ng Pilipinas. Handa po akong ikampanya kayo sa paparating na halalan.

Kaya ngayong araw na ito, sa iyong ika-86 na kaarawan, hayagan ko pong hinahayag ang aking suporta at nangangakong ipapakalat sa mga kapwa ko Manilenyo na nagkamali sila ng paglagay ng mga pulitikong ginamit ang kanilang kahinaan upang mapaniwala sa mga panaginip na kalauna’y naging bangungot sa marami.

Ito lang po ang maibibigay kong regalo sa’yo – ang panibagong pagtitiwala sa iyong kakayahan bilang aming ama sa lungsod ng Maynila.

Maligayang kaarawan po, mahal naming alkalde!

Gumagalang,
Lem Leal Santiago
Batang Tundo, Proud Manileño.

(Unang inilathala sa aking Facebook page: https://www.facebook.com/lemorvensantiago/posts/10205021308593943)

 

AURORA-NEW-LOGO-2015 copy_small

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s